ໂອບາມາ

ໂອບາມາຮຽກຮ້ອງໃຫ້ ລັດຖະສະພາ ຕໍ່ອາຍຸ ການຕັດພາສີເງິນເດືອນ

ປະທານາທິບໍດີ​ສະຫະລັດ​ທ່ານ​ບາຣັກ ​ໂອ​ບາ​ມາ ​ໄດ້ຮຽກຮ້ອງ​ໃຫ້ຊາວອະ​ເມຣິກັນຈົ່ງ​​ເກ້​ຍ
ກ່ອມ​ໃຫ້​ສະມາຊິກ​ສະພາ​ຄອງ​​ແກຣສ ​ຕໍ່​ອາຍຸ​ການ ຕັດ​ພາສີ​ເງິນ​ເດືອນ ທີ່​ຊ່ວຍ​ປະຢັດ​​ເງິນ
ສໍາ​ລັບ​ພວກຄອບຄົວ​ທີ່ມີ​ລາຍ​ໄດ້​ປານ​ກາງ​ ປະມານ 1,000 ​ໂດ​ລາ​ ເມື່ອ​ປີຜ່ານມານັ້ນ.
ການ​ຕັດ​ພາສີ​ດັ່ງກ່າວ​ນີ້​ ມີ​ກໍານົດ​ຈະ​ໝົດ​ອາຍຸ​ລົງ​ໃນ​ວັນ​ທີ່ 31 ​ເດືອນ​ທັນວາ​ນີ້.

ຄໍາຮຽກຮ້ອງຂອງ​ທ່ານ​ໂອ​ບາ​ມາ ​ຢູ່ໃນ​​ຄໍາ​ປາ​​ໄສ​ປະ​ຈໍາສັບປະ​ດາ​ເມື່ອ​ວັນ​ເສົາ​ວານ​ນີ້ ມີ​ຂຶ້ນ
ມື້​ນຶ່ງ​ຫລັງ​ຈາກ​ໄດ້​ຂ່າວ​ກ່ຽວກັບ​ອັດຕາການ​ຫວ່າງ​ງານ​ຕົກ​ຕໍ່າລົງ ​ແລະ​ການ​ສ້າງ​ໜ້າ​ວຽກ
ໃນ​ພາກສ່ວນ​ເອກ​ະຊົນ 120,000 ວຽກ ​ເມື່ອ​ເດືອນ​ຜ່ານ​ມາ​ນັ້ນ. ປະທານາທິບໍດີ​ໂອ​ບາ​
ມາ​ກ່າວວ່າ ການ​ຕໍ່​ອາຍຸ​ຂອງ​ການ​ຕັດ​ພາສີ​ອອກໄປ​ອີກ​ນັ້ນ ​ແມ່ນ​ຈະ​ຊ່ວຍ​​ເສີມສ້າງຄວາມ
ກ້າວໜ້າ ຕໍ່​ຈາກ​ທ່າ​ອຽງ​​ໃນ​ທາງ​ບວກ​​ເຫລົ່ານັ້ນ​.

ທ່ານ​​ໂອ​ບາ​ມາ ກ່າວ​ອີກ​ວ່າ ພວກສະມາຊິກ​ສະພາຄອງ​ແກຣສ ບໍ່​ຄວນຈະ ​ກັບ​​ເມືອ​ບ້ານ

ໃນຊ່ວງເທດສະການ​ຄຣິສມັສນີີ້ ຈົນກວ່າຈະ​​ໃຫ້ການ​ອະນຸມັດ​ຕໍ່​ອາຍຸການ​ຕັດ​ພາສີ​ເງິນ
ເດືອນ​ເສຍ​ກ່ອນ.

ໃນ​ຄໍາ​ປາ​​ໄສ​ຕອບຂອງ​ຝ່າຍຣີພັບບລິ​ກັນນັ້ນ ສະມາຊິກ​ສະພາ​ສູງ​ Olympia Snowe
ຈາກ​ລັດ​​ເມນ ທາງ​ພາກ​ຕາ​ເວັນ​ອອກສຽງ​ເໜືອ​ຂອງ ສະຫະລັດ ​ໄດ້​ຮຽກຮ້ອງ​ໃຫ້​ເພື່ອນ
ສະມາຊິກ​ຂອງ​ທ່ານ​ນາງ​ ຊ່ວຍ​ກັນ​ຄວບ ຄຸມ​ການ​ໃຊ້​ຈ່າຍ ຊຶ່ງ​ທ່ານ​ນາງ​ກ່າວ​ວ່າ ກໍາລັງ
ເຮັດ​ໃຫ້​ຈໍານວນ​ການຂາດ​ດຸນ​ງົບປະມານ​ ສູງຂຶ້ນ​ໄປ​ອີກ ​ແລະ​ເຮັດ​ໃຫ້ການ​ເຕີບ​ໂຕ​ດ້ານ
ໜ້າ​ວຽກຊັກ ຊ້າ​ລົງ​ໄປ.

ທ່ານ​ນາງ ສະມາຊິກ​ສະພາສູງ Snow ກໍາລັງ​ຊຸກຍູ້​ໃຫ້​ມີການ​ຮັບ​ຜ່ານ​ຂໍ້​ແກ້​ໄຂລັດຖະທໍາ​
ມະນູນ​ຂໍ້​ນຶ່ງ ທີ່​ບັງຄັບ​ໃຫ້​ລັດຖະບານ​ສ້າງ​ຄວາມ​ສົມ​ດຸນ​ໃນ​ງົບປະ​ມາ​ນນັ້ນ.

ທ່ານ​ນາງ​ກ່າວ​ອີກ​ວ່າ ​ຖ້າ​ຫາກ​ລັດຖະບານບໍ່​ຖືກ​ບັງຄັບ​ໃຫ້​ສ້າງ​ຄວາມ​ສົນ​ດຸນ​ແກ່​ງົບປະ
ມານ ​ເສດຖະກິດ​ກໍ​ຍັງ​ຈະ​ລົ້ມລຸກຄຸກຄານ​ສືບ​ຕໍ່​ໄປ ພາຍ​ໃຕ້​ສະພາວະ​ໜີ້​ສິນ​ຂອງ​ລັດຖະ
ບານ​ທີ່​ຂະຫຍາຍຕົວ​ອອກ​ໄປນັບ​ມື້​ ຊຶ່ງ​ໃນ​ເວລາ​ນີ້ແມ່ນ​ມີ​ຈໍານວນ​ຮອດ 15 ພັນ​ຕື້​ໂດ​ລາ​​
ແລ້ວນັ້ນ ​ແລະ​ຊຶ່ງ​ທ່ານ​ນາງ​ກ່າວ​ວ່າ ມັນ​ໄດ້​ເຮັດ​ໃຫ້ການ​ເຕີບ​ໂຕ​ທາງ​ເສດຖະກິດ​ຢຸດ​ຊະ
ງັກບໍ່​ໄປ​ ບໍ່​ມາ ​ແລະ​ສູນ​ເສຍ​ວຽກ​ງານ​ຂອງຊາວ​ອາ​ເມລິ​ກັນ​ໄປ​ຫລາຍ​ລ້ານວຽກ​ນັ້ນ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s