ເນື້ອ​ແທ້ ເຂດ​ເສດຖະກິດ​ພິ​ເສດ ​ແລະ ​ເຂດ​ເສດຖະກິດ​ສະ​ເພາະ​ ແມ່ນ​ຫຍັງ​?

ໃນ​ໄລຍະ​ຜ່ານ​ມາ ຄົນ​ສ່ວນ​ຫລາຍຍັງ​ບໍ່​ເຂົ້າ​ໃຈ​ ເຖິງ​ເນື້ອ​ແທ້​ຂອງ​ຄວາມ​ໝາຍ​ທີ່ວ່າ: ເຂດ​ເສດຖະກິດ​ພິ​ເສດ ​ແລະ ​ເຂດ​ເສດຖະກິດ​ສະ​ເພາະ ນັ້ນ​ມີ​ ຮູບ​ຮ່າງ ​ແລະ ລັກສະນະ​ແນວ​ໃດ ຕໍ່​ການ​ພັດທະນາ​ປະ​ເທດ ຂະນະ​ທີ່ ນັກ​ລົງທຶນ​ພາຍ​ໃນ ​ແລະ ຕ່າງປະ​ເທດ​ ກຳລັງ​ໃຫ້​ຄວາມ​ສົນ​ໃຈ​ຫລາຍ​ທີ່​ສຸດ​ ຕໍ່​ກັບເຂດ​ ເສດຖະກິດ​ພິ​ເສດ ​ແລະ ​ເຂດ​ເສດຖະກິດ​ສະ​ເພາະ ​ໃນ​ລາວ​ໃນ​ໄລຍະ 3 ປີຜ່ານ​ນີ້.

ຄະນະ​ກຳມະການ​ແຫ່ງ​ຊາດ​ລາວ​ ເພື່ອ​ຄຸ້ມ​ຄອງ​ເຂດ​ເສດຖະກິດ​ພິ​ເສດ-​ເຂດ​​ເສດສະ​ເພາະ (ຄຂພສ) ​ໄດ້​ຊີ້​ແຈງ​ຕໍ່​ສື່​ມວນ​ຊົນ​ຫວ່າງ​ບໍ່​ດົນ​ມາ​ນີ້​ວ່າ: ​ເນື້ອ​ແທ້​ ຂອງ​ເຂດ​ເສດຖະກິດ​ພິ​ເສດ ​ແລະ ​ເຂດ​ເສດຖະກິດ​ສະ​ເພາະ ​ມີ​ລະອຽດ​ດັ່ງ​ນີ້: ​ເຂດ​ເສດຖະກິດ​ພິ​ເສດ ​ແມ່ນ​ພື້ນ​ທີ່ ຫລື ​ເຂດ​ທີ່​ຖືກ​ກຳນົດ ​ແລະ ສ້າງ​ຂຶ້ນ​ເປັນ ​ສະ​ເພາະ​ ເພື່ອ​ສົ່ງ​ເສີມ, ສະໜັບສະ​ໜູນ, ອຳນວຍ​ຄວາມ​ສະດວກ​ ລວມທັງ​ໃຫ້​ສິດທິ​ພິ​ເສດ ​ໃນ​ການ​ດຳ​ເນີນ​ທຸລະ​ກິດ ຊຶ່ງ​ເປັນ​ເຂດ​ທີ່​ມີ​ດໍ​າລັດ ຫລື ກົດໝາຍ​ ບັງຄັບ​ ທີ່​ແຕກ​ຕ່າງ​ກັບ​ເຂດ​ອື່ນ ​ເພື່ອ​ຕ້ອງການ​ເຮັດ​ໃຫ້​ພື້ນ​ທີ່​ດັ່ງກ່າວ ​ມີ​ການ​ພັດທະນາ​ໄວ​ຂຶ້ນ​ ຕາມ​ຈຸດປະ​ສົ່ງ​ທີ່​ໄດ້​ກຳນົດ​ໄວ້​ຢູ່ ສປປ ລາວ, ກົດ​ໝາຍວ່າ​ດ້ວຍ ​ການ​ສົ່ງ​ເສີມ​ການ​ລົງທຶນ​ສະບັບ​ເລກທີ 02/ສພຊ ​ໄດ້​ກຳນົດ​ໄວ້​ວ່າ: ​ເຂດ​ເສດຖະກິດ​ພິ​ເສດ​ ໝາຍ​ເຖິງ​ເຂດ​ທີ່​ລັດຖະບານ​ກຳນົດ ​ເພື່ອ​ພັດທະນາ​ໃຫ້​​ເປັນ ​ຕົວ​ເມືອງ​ໃໝ່​ ທີ່​ທັນ​ສະ​ໄໝ​ຢ່າງຮອບດ້ານ, ​ເປັນ​ບ່ອນ​ດຶງ​ດູດ​ການ​ລົງທຶນ​ພາຍ​ໃນ-ຕ່າງປະ​ເທດ ຊຶ່ງ​ມີ​ເນື້ອ​ທີ່​ແຕ່ 1.000 ​ເຮັກຕາ​ຂຶ້ນ​ໄປ, ມີ​ນະ​ໂຍບາຍ​ສົ່ງ​ເສີມ​ ພິ​ເສດ ​ແລະ ມີ​ລະບົບ​ເສດຖະກິດ-ການ​ເງິນ​ເປັນ​ເຈົ້າ​ຕົນ​ເອງ, ​ເປັນ​ຫົວໜ່ວຍ​ບໍລິຫານ​ນ້ອຍ-ສັງຄົມ​ກວ້າງ, ມີ​ຄະນະ​ບໍລິຫານ ​ແລະ ສະພາ​ບໍລິຫານ​ເສດ​ຖະ ກິດ​ເປັນ​ຜູ້​ຄຸ້ມ​ຄອງ. ​ເຂດ​​ເສດຖະກິດ​ພິ​ເສດ​ ອາດ​ຈະ​ປະກອບ​ດ້ວຍ​ ຫລາຍ​ເຂດ​ເສດຖະກິດ​ສະ​ເພາະ ສະ​ນັ້ນ ຖ້າ​ມີ​ປະຊາຊົນ​ດຳລົງ​ຊີວິດ​ຢູ່​ໃນ​ເຂດ​ດັ່ງກ່າວ ​ແມ່ນ​ບໍ່​ຈຳ​ເປັນ​ຍົກຍ້າຍ​ອອກ​ຈາກ​ເຂດ, ກົງກັນຂ້າມ​ຈະ​ຖືກ​ຈັດ​ສັນ ​ແລະ ​ແບ່ງ​ງານ​ໃຫ້​ມີ​ສ່ວນ​ຮ່ວມ​ກັບ​ເຂດ​ ເພື່ອ​ພ້ອມກັນ​ພັດທະນາ ​ແລະ ມີ​ລາຍ​ໄດ້​ໝັ້ນຄົງ, ມີ​ລະບົບ​ຮັບປະກັນ​ຄວາມ​ສະຫງົບ​ປອດ​ໄພ ​ແລະ ປົກ​ປັກ​ຮັກສາ​ສິ່ງ​ແວດ​ລ້ອມ​ໃຫ້​ຍືນ​ຍົງ ​ແລະ ​ເຂດ​​ເສດຖະກິດ​ສະ​ເພາະ​ ໝາຍ​ເຖິງ​ເຂດ​ທີ່​ລັດຖະບານ ​ກຳນົດ​ໃຫ້​ເປັນ​ເຂດ​ອຸດສາຫະກຳ, ​ເຂດ​ການ​ຜະລິດ​ເພື່ອ​ສົ່ງ​ອອກ, ​ເຂດ​ຕົວ​ເມືອງ​ທ່ອງ​ທ່ຽວ, ​ເຂດ​ການ​ຄ້າ​ປອດ​ພາສີ, ​ເຂດ​ພັດທະນາ​ເຕັກ​ໂນ​ໂລ​ຊີ-ຂໍ້​ມູນ​ ຂ່າວສານ, ​ເຂດ​ເສດຖະກິດ​ຊາຍ​ແດນ ​ແລະ ອື່ນໆ ສະ​ນັ້ນ ການ​ຕັ້ງ​ຊື່​ຂອງ​ເຂດ​ເສດຖະກິດ​ສະ​ເພາະ​ ແມ່ນ​ອີງ​ໃສ່​ຄຸນ​ລັກສະນະ​ສະ​ເພາະ​ຂອງ​ແຕ່ລະ​ເຂດ, ການ​ພັດທະນາ, ການ​ຜະລິດ ​ແລະ ການ​ບໍລິການ ທີ່​ມີ​ຄວາມ​ແຕກ​ຕ່າງ​ກັນ​ໄປ. ມີ​ສະພາ​ບໍລິຫານ​ເສດຖະກິດ ​ເປັນ​ຜູ້​ບໍລິຫານ ແລະ ຄຸ້ມ​ຄອງ​ຕາມ​ ກົນ​ໄກ ​ກາ​ປະ​ທັບ​ດຽວ, ມີ​ການ​ກຳນົດ​ເຂດ​ຢ່າງ​ຈະ​​ແຈ້ງ ​ແລະ ບໍ່​ມີ​ປະຊາຊົນ​ດຳລົງ​ຊີວິດ​ຢູ່​ເຂດ​ດັ່ງກ່າວ.

ໃນ​ ສປປ ລາວ ມາຮອດ​ປະຈຸ​ບັນ​ນີ້​​ ລັດຖະບານ​ໄດ້​ອະນຸມັດ​ໃຫ້​ສ້າງ​ຕັ້ງ ລວມທັງ​ໝົດ​ມີ 5 ​ເຂດ​ເສດຖະ ກິດ​ພິ​ເສດ-​ເຂດ​​ເສດຖະກິດ​ສະ​ເພາະ ຄື: ​ເຂດ​​ເສດ ຖະກິດ​ພິ​ເສດ​ສະຫວັນ-​ເຊ​ໂນ, ​ເຂດ​ເສດຖະກິດ​ພິ​ເສດ​ບໍ່​​ເຕ່ນ​ແດນ​ຄໍາ, ​ເຂດ​ເສດຖະກິດ​ພິ​ເສດ​ສາມຫລ່ຽມ​ຄຳ, ​ເຂດ​ເສດຖະກິດ​ສະ​ເພາະ​ພູ​ຂຽວ ​ແລະ ​ເຂດ​ເສດ ຖະກິດ​ສະ​ເພາະ​ອຸ​ດສາ​ຫະກຳ ​ແລະ ການ​ຄ້າ​ວຽງ​ຈັນ-​ໂນນ​ທອງ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s