ເຂື່ອນ​ໄຟຟ້າ​ນ້ຳງື່ມ

ຕະຫລອດໄລຍະ 40 ປີ ​ເຂື່ອນ​ໄຟຟ້າ​ນ້ຳງື່ມ 1 ​ໄດ້​ປະກອບສ່ວນ
ຢ່າງໃຫຍ່​ຫລວງ​ເຂົ້າໃນການພັດທະນາເສດຖະກິດສັງຄົມ​ຂອງ​ຊາດ

ບໍລິສັດຜະລິດ-ໄຟຟ້າລາວມະຫາຊົນ ຝ່າຍຜະລິດເຂື່ອນໄຟຟ້ານ້ຳງື່ມ 1 ໄດ້ຈັດພິທີສະເຫລີມສະຫລອງ ຄົບຮອບ 40 ປີ ຂຶ້ນໃນຕອນ
ເຊົ້າຂອງວັນທີ 30 ພະຈິກ 2011 ທີ່ສະໂມສອນເຂື່ອນໄຟຟ້ານ້ຳງື່ມ 1 ໂດຍມີທ່ານ ບຸນມີ ພຸດທິວົງ ຮອງເຈົ້າແຂວງໆວຽງຈັນ, ທ່ານ ຄຳມະນີ
ອິນທິລາດ ລັດຖະມົນຕີຊ່ວຍວ່າການກະຊວງພະລັງງານ ແລະ ບໍ່ແຮ່, ປະທານສະພາຜູ້ອຳນວຍການບໍລິສັດຜະລິດ – ໄຟຟ້າລາວມະຫາຊົນ
ເຊິ່ງມີພະນັກງານກຳມະກອນ ແລະ ແຂກຖືກເຊີນທັງພາຍໃນ ແລະ ຕ່າງປະເທດເຂົ້າຮ່ວມ. ທ່ານ ສີສະຫວາດ ທິຣະວົງ ຜູ້ອຳນວຍການໃຫຍ່
ບໍລິສັດຜະລິດ – ໄຟຟ້າລາວມະຫາຊົນ ກ່າວສະຫລຸບຫຍໍ້ກ່ຽວກັບຄວາມເປັນມາຂອງເຂື່ອນໄຟຟ້ານ້ຳງື່ມ 1 ວ່າ: ເຂື່ອນໄຟຟ້ານ້ຳງື່ມ 1 ຕັ້ງຢູ່
ບ້ານແສງສະຫວ່າງ, ເມືອງແກ້ວອຸດົມ ແຂວງວຽງຈັນ ເຂື່ອນໄຟຟ້ານ້ຳງື່ມ 1 ເປັນເຂື່ອນທີ່ໃຫຍ່ແຫ່ງທຳອິດຂອງ ສປປ ລາວ ເຊິ່ງໄດ້ຖືກສ້າງ
ຕັ້ງຂຶ້ນເພື່ອຜະລິດພະລັງງານໄຟຟ້າ ແລະ ຕ້ານໄພນ້ຳຖ້ວມທີ່ຊ້ຳຊາກຢູ່ທົ່ງຮາບຕອນລຸ່ມຂອງແຂວງວຽງຈັນ, ການກໍ່ສ້າງເຂື່ອນໄດ້ແບ່ງອອກ
ເປັນ 3 ໄລຍະຄື: ເລີ່ມລົງມືກໍ່ສ້າງປີ 1968 ແລະ ສຳເລັດເປີດການນຳໃຊ້ປີ 1971 ຈົນມາຮອດປະຈຸບັນມີກຳລັງຕິດຕັ້ງທັງຫມົດ 155 MW,
ຈາກ 30 MW ໃນເບື້ອງຕົ້ນ ແລະ ມີຄວາມສາມາດຕິດຕັ້ງຂະຫນາດໄດ້ເພີ່ມອີກໃນຕໍ່ຫນ້າຕື່ມ 120 ຫາ 150 MW, ຈາກ 30 MW ໃນ
ເບື້ອງຕົ້ນ ແລະ ມີຄວາມສາມາດຕິດຕັ້ງຂະຫຍາຍໄດ້ເພີ່ມອີກໃນຕໍ່ຫນ້າຕື່ມ 120 ຫາ 150 MW ອາດຈະມີກຳລັງຕິດຕັ້ງທັງຫມົດ 275 ຫາ
305 MW. ພ້ອມນັ້ນກໍ່ໄດ້ຂະຫຍາຍເຂື່ອນນ້ຳງື່ມ 2, ນ້ຳງື່ມ 5 ແລະ ນ້ຳງື່ມ 3. ປະຈຸບັນເຂື່ອນນ້ຳງື່ມ 1 ໄດ້ເປັນກຳລັງຫລັກຂອງບໍລິສັດ
ຜະລິດ – ໄຟຟ້າລາວ ມະຫາຊົນ ເຊິ່ງເປັນບໍລິສັດມະຫາຊົນ ທຸກຄົນມີສິດເປັນເຈົ້າຂອງໄດ້. ໄຟຟ້າລາວຖືຮຸ້ນເປັນສ່ວນໃຫຍ່ຄື 75%, ມະຫາ
ຊົນຖືຮຸ້ນ 25%. ໃນປີ 2011 ຜຟຟລ ຄາດຄະເນລາຍຮັບ 876 ຕື້ກີບ. ຄາດຄະເນກຳໄລສຸດທິ 580 ຕື້ກີບ, ຄາດຄະເນເງິນປັນຜົນຕໍ່ຮຸ້ນ
ປະມານ 12% ຕໍ່ປີ.

ທ່ານ ຄຳມະນີ ອິນທິລາດ ໄດ້ໃຫ້ກຽດໂອ້ລົມ ແລະ ສະແດງຄວາມຍ້ອງຍໍຊົມເຊີຍຕໍ່ຜົນງານຂອງອ້າຍເອືອຍນ້ອງພະນັກງານ ແລະ ກຳມະ
ກອນທຸກທົ່ວຫນ້າທີ່ຍາດມາໄດ້ຕະຫລອດໄລຍະ 40 ປີ ແລະ ພ້ອມທັງຮຽກຮ້ອງໃຫ້ພະນັກງານທຸກຂັ້ນຈົ່ງພ້ອມກັນເຮັດຫລ້ອນຫນ້າທີ່ເພື່ອຮັບ
ປະກັນການສະຫນອງໄຟຟ້າຮັບໃຊ້ພາຍໃນປະເທດໃຫ້ໄດ້ 76% ຂອງຈຳນວນຄອບຄົວໃນທົ່ວປະເທດຕາມຍຸດທະສາດພັດທະນາຂະແຫນງ
ໄຟຟ້າພາຍໃນປີ 2015 ຈະຕ້ອງສູ້ຊົນໃຫ້ຫລາຍກວ່າ 80% ຂອງຈຳນວນຄອບຄົວທົ່ວປະເທດມີໄຟຟ້າໃຊ້ປົກກະຕິ ແລະ ພາຍໃນປີ 2020
ໃຫ້ໄດ້ເກີນ 90% ໂດຍຜ່ານການປະຕິບັດບັນດາໂຄງການພັດທະນາແຫລ່ງຜະລິດໄຟຟ້າ, ໂຄງການລະບົບສາຍສົ່ງ, ໂຄງການນອກລະບົບ
ແລະ ອື່ນໆດ້ວຍທຶນພາຍໃນ, ທຶນຊ່ວຍເຫລືອຈາກປະເທດເພື່ອນມິດ ແລະ ອົງການຈັດຕັ້ງສາກົນ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s